Хангил нүдний эмнэлэг нь Америкийн Newsweek сэтгүүлээс гаргасан “2025 оны Ази тивийн шилдэг хувийн эмнэлгүүд”-ийн жагсаалтад багтжээ.
Энэ жагсаалтыг анх удаа Герман улсын Statista судалгааны байгууллагатай хамтран гаргасан бөгөөд Ази тивийн 30 орны эмч, эрүүл мэндийн мэргэжилтэн, эмнэлгийн удирдлагаас авсан санал асуулга, өвчтөний сэтгэл ханамжийн судалгаа, баталгаажсан мэдээлэл зэрэгт үндэслэсэн байна.
Хангил нүдний эмнэлэг нь уг жагсаалтын нүдний болор цайлт (катаракт) мэс заслын чиглэлээр мэргэшсэн эмнэлгээр шалгарсан байна.
Мөн тус эмнэлэг нь Инчеон хотод байрлах цорын ганц Эрүүл мэнд, нийгмийн хамгааллын яамнаас баталгаажсан нүдний төрөлжсөн эмнэлэг бөгөөд:
Эмнэлгийн байгууллагын баталгаажуулалт
Тусгай мэргэжлийн эмнэлгийн гэрчилгээ
Гадаад өвчтөн хүлээн авах зөвшөөрөл
гэсэн 3 төрлийн үндэсний баталгаажуулалтыг бүгдийг нь авсан цорын ганц эмнэлэг юм.
2024 оны байдлаар:
Жилд 8,000 гаруй катаракт мэс засал
1,700 гаруй торлог бүрхэвчийн мэс засал амжилттай хийжээ.
Эмнэлгийн захирал Чой Жин Ён:
“Катаракт мэс заслын чиглэлээр Ази тивийн шилдэг хувийн эмнэлэгт багтсандаа баяртай байна. Манай туршлагатай эмч, мэргэжлийн хамт олон хамтран хичээж бий болгосон үр дүн гэж үзэж байна. Цаашид ч өндөр чанартай, аюулгүй эмнэлгийн үйлчилгээг хүргэхийн төлөө чармайн ажиллах болно.” гэж мэдэгдлээ.
